Wheel of Fortune...Filipino Department Edition.

Himala, nanood ako ng Wheel of Fortune.

Hindi naman ako nanonood ng Wheel of Fortune (maliban na lang noong si Yael naman ang naglaro), at wala sana talaga akong balak na manood kanina. Dapat nga matutulog ako kasi halos di ako natulog kagabi/kaninang madaling-araw. E ang kaso, may pamilyar na mukha akong nakita sa patalastas ng Wheel of Fortune noong nanonood ako ng Naruto. Sabi ko, "Nakita ko siya kanina... sa kagawaran!"
Si G. Ariel Diccion!

Wala lang, nakakatuwa lang kasi guro siya sa Ateneo, atsaka lagi ko siyang nakikita sa campus at sa De la Costa. Napanood ko na rin siyang magmonologo noong open mic night ng Gabay noong nakaraang Biyernes (ang galing talaga ng mga guro sa Kagawaran ng Filipino ng Ateneo!). Hindi ko rin sinasadyang mapanood siya sa Ang Pinaka ng QTV (tungkol sa mga tao/grupo ng tao na sumikat sa pamamagitan ng internet).

Dahil natuwa ako kanina, nanood ako ng Wheel of Fortune kahit na nanonood din ang mama ko ng American Idol. Kaya palipat-lipat ng channel kanina sa TV.

At finger ang huling sagot niya sa jackpot/final round (na dapat ay mongha). Wala lang...mahirap naman talaga e, di tulad noong kay Yael (iyong Yosi Kadiri).

###

Pinoy Big Brother Teen Edition season 2.

Mariel: Mga kaibigan! Ipinakikilala ko sa inyong lahat ang unang teen housemate para sa PBB season 2! Si Daryl V. Marra! [applause]

Toni: Sa kasamaang palad, dahil napaka-hectic ng schedule niya ngayong summer ay hindi niya mapauunlakan ang imbitasyon ni Kuya.

Bianca: Tama, sayang naman diba? 2-in-1 housemate pa man din sila ng kapatid niyang si Ace!

Toni: Dahil sa pangyayaring iyan, ang unang teen housemate na ipakikilala natin sa taongbayan ay walang iba kundi si Ace! [super duper applause!!!!]

Bianca: Bagong balita! May nais sabihin si Kuya sa inyo ngayon.

Kuya: Mariel, ikinalulungkot kong sabihin ito, pero...you're fired!

Mariel: [Uha] I'm gonna cry na Kuya!

Ace: [Ehem] Girl, you're stealing my thunder!

Kuya, Toni, Bianca: Welcome to the Big Brother House, Ace!!!

[Weeeeeeeeeeeeeeee!!!!!! Walang coherence! Joke joke lang po!!!]