Current status? Stressed-out. Pagod. Drained. Feeling intellectually incapable. Dying...
Ang daming gagawin, pero hindi ko alam kung paano ako magsisimula. Kunwari nagnonotetakings ako, bigla na lang akong titigil, matutulala, tatayo, maglalakad. Pupunta sa kusina, dadaan sa sala, pupunta sa banyo, tititigan ang salamin, babalik sa kusina, sasandal sa lababo, pupunta sa sala, uupo...magagalit. grrrr.......
Sa harap naman ng computer, ganoon din. Bigla na lang akong matitigilan sa gitna ng pagta-type. Hanggang sa wala na akong maisulat, at manghihinayang na ako sa kuryente. At magagalit na naman ako.
Ang dali kong magalit ngayon. Nakakainis. Gusto ko na ngang umiyak. Lalo na kanina nang nagloko itong computer ko [akin na daw ito, kahit na lahat naman kami ang gumagamit] na halos pitong taon na. May virus na naman yata kasi, dahil sa mga USB namin.
Ngayon, hindi ko alam kung paano ko hahatiin ang oras ko.
Mag-subscribe sa:
I-post ang Mga Komento (Atom)
0 ang nagmamahal:
Mag-post ng isang Komento