Dahil sobrang busy ng buhay ko ngayon, marami na akong mga kuwentong hindi naipamahagi dito sa blog na ito. Tutal, medyo nabawasan na ang mga gawain ko, maaari na akong maglaan ng oras para mag-post ngayon [kahit na may Math Long Test kami mamaya].
###
Hindi gumana ang all-nighter ko noong Sabado ng gabi. Nasimulan ko, nunit hindi ko naman natapos ang part ko sa Fil paper namin. Hindi rin ako nakapag-aral sa Math kahit na nangako ako na gagalingan ko sa long test kasi may 30 points akong kailangang bawiin [10 points para sa hindi ginawang homework at 20 points para sa ibinagsak na quiz]. Kagabi din sana ay mago-all nighter ako, tutal hindi naman ako nag-iisa. Super all-nighter ang kuya ko na naghahapit ng group work para sa MIS project nila. Dahil sa sobrang pangangailangan sa internet connection, ngayon lang ako nakaranas na naubusan kami ng 100 pesos na internet card [dial-up lang kami, pero malapit na kaming magka-DSL!!!] na katumbas ng 20 hours sa loob lamang ng halos dalawang araw. Paano ba naman kasi, ym sa mga groupmates, email itong mga file, attach-attach, search, copy-paste, etc...
Minsan iniiisip ko na sana wala na lang teknolohiya, para walang mga teachers ang aasa na lahat ng estudyante ay may mga computers [malala kung may mga teachers na umaasang may laptop ang lahat ng kaniyang mga estudyante], na anytime ay may internet connection sila, para hindi na matatakot ang mama ko kapag hindi ko kilala ang ka-chat ko [na isang beses pa lang nangyari dahil sa mistaken identity] baka daw kasi manyakis o ano, para mabawasan ang expectations sa buhay.
Sa kabilang banda naman, kung walang teknolohiya, hindi rin ako paloloko sa mga networking sites tulad ng multiply at friendster na nagsisilbing main hobby ko na yata, walang mga blog: hindi dadami ang mga emo, ang pagsusulat ay magiging eksklusibo lamang sa mga manunulat, mahihirapan ang mga taong magmanman sa ibang tao [stalk...], wala itong blog na ito....
Buti na lang may teknolohiya...=)
###
At kamusta naman ang resulta ng pagkakapagod naming tatlo nina Anna at Dino sa huling parte ng semestre para sa Fil12? Ayun, nailimbag na kaninang madaling-araw [2:57 Am yata...]. Lumampas nga kami sa required number of words, pero talagang ganoon e.
To think na dati halos mahimatay kami [exaggerating] nang malaman naming 4000-5000 words ang kailangan naming maisulat, tapos ngayon, almost 7000 words ang nilalaman ng papel namin! [wala pa yata doon ang bibliography at footnotes]
Nakatutuwa...sana kaunti lang ang mga mali namin para hindi na kami mahirapan sa pag-eedit para sa final draft.
###
Noong Biyernes ng gabi lang uli ako nakaranas ng sobrang texting na walang kuwenta. Hindi naman walang kuwenta, pero walang point. Parang kamustahan lang, tanong dito, tanong doon. At noon ko lang uli napraktis ang aking text-typing skill, at paiklian ng salita para magkasya sa iisang text ang mga sasabihin ko. Prng gani2, haha, nakkhiya kcng mgtxt ng gani2 s mga taong ingles ang gngmit s pgtxt. haha.
###
Hindi ko dama ang bakasyon, maliban na lamang sa kalsada [konti na ang mga pasahero], at sa friendster [puro nagbbakasyon na sila!].
###
Pakiramdam ko uubuhin ako at magkaka-tonsilitis uli. Kung kailan mainit na ang panahon.
###
Naisip ko lang, nababawasan kaya ang oras ng buhay ko tuwing hindi ako natutulog sa gabi?
Mag-subscribe sa:
I-post ang Mga Komento (Atom)
0 ang nagmamahal:
Mag-post ng isang Komento